सेनामा कार्यरत उदयपुरका रामहरी अधिकारीले कोरोना संक्रमितको उपचारको लागि नेपालगञ्जमा गरे प्लाज्मा दान

समाज

गृहपृष्ठ
समाज

सेनामा कार्यरत उदयपुरका रामहरी अधिकारीले कोरोना संक्रमितको उपचारको लागि नेपालगञ्जमा गरे प्लाज्मा दान

हाेम बस्नेत बुधबार, भदौ २४, २०७७

बाँके । नेपाली सेनामा कार्यरत जवान उदयपुरका रामहरी अधिकारीले कोरोना संक्रमितको उपचारको लागि नेपालगञ्जमा गरे प्लाज्मा दान गरेका छन् । अधिकारीले नेपाली सेनाका एक जवानले कोरोनाका गम्भीर बिरामीको प्लाज्मा थेरापी बिधिबाट उपचारका लागि रगत दान गरेका हुन् ।

उदयपुरको कटारी स्थायी ठेगाना भएका सेनाका जवान रामहरी अधिकारीले बुधबार कोरोनाका गम्भीर बिरामीको उपचारका लागि रगत दान गरेको बाँकेका प्रमुख जिल्ला अधिकारी रामबहादुर कुरुम्बाङले जानकारी दिए । जवान अधिकारी नेपाली सेनाको पश्चिम् पृतना शिक्षालय कौशिलानगर कोहलपुरमा कार्यरत छ्न । उनलाई केही समय पहिला कोरोना पोजेटिभ देखिएको थियो । उनी कोरोना संक्रमण भएपश्चात १४ दिन आइसोलेसन बसेर थप १४ दिनको समय अबधि पूरा गरिसकेका हुन ।

बुधबार बिहान मात्रै प्रजिअ कुरुम्बाङले बाँकेका कोरोनाका गम्भीर बिरामीको उपचारकालागि कोरोना संक्रमित भइ निको भएका व्यक्तिको बि पोजिटिभ समूहको रगत अत्यावश्यक भएको भन्दै सामाजिक संजाल फेसबुकमार्फत रगत दान गर्न आग्रह गरेका थिए ।

कोरोना संक्रमित भएर निको भएका बिरामीको रगतबाट प्लाज्मा छुट्याएर गम्भीर संक्रमित बिरामीलाई दिने प्रक्रिया नै प्लाज्मा थेरापी हो । यसले संक्रमित बिरामीलाई रोग प्रतिरोधात्मक क्षमता बढाउन मद्दत गर्ने चिकित्सकहरु बताउँछन् ।

प्रकाशित मिति: बुधबार, भदौ २४, २०७७ १९:३३

प्रतिक्रिया दिनुहोस्